Бэлдсэн үү?...Юунд гэж?

Төрхөөр эмлэг явахдаа.. Хэн нэгэнд маань энэ жагсаалт хэрэг болж магад:
(танд ямар 1 санаа байвал + рээ)

• солих хувцас/халаад/
• хөхүүлэхэд зориулттай левчик/baby shop-т бий/
• 3-4 ш хөвөн даавуун труси
• 2ш оймс/төрөх өрөө хүйтэн байдаг/
  
• 2 боодол шөнийн дамсак/далавчтай нь/
• углааш
• уруул өнгөлөгч, зөөллөгч/уруул амархан хатдаг/
• зөгийн бал/цусанд хурдан уусаж, хүч өгдөг/
• ус/өвдөлтийн үед ам их цангадаг/
• ус уух аяга соруултай/ядарсан үед соруул амар/
• модон чихэр, йогурт, жимс/хоол идэх сонирхол буурдаг/
• mp3, сэтгүүл, хөзөр г.м/тайвширч, сатаарах/
• чухал хүмүүс-н номер/баярт мэдээг дуулгах/
• эмлэгээс гарах хувцас/5 сартай үеийн хувцас чинь таарна/
• жүржийн 100% шүүс/төрсний дараа уувал маш сайн/

Хэрэв төрөх өрөөнд нөхөр орох бол цагаан халаад, маск, малгай, тавчик. Дээрхи жагсаалтанд хувийн ариун цэврийн хэрэгсэлийг оруулсангүй. За ерөнхийдөө 1 иймэрхүү.. Аан бас нэг чухал зүйл та хаанаас ч хэзээ ч өвдөөд эмлэг явж болох тул дээрхи зүйлсээ эртхэн(1 сарын өмнө) бэлдээд гэрийнхээ тдхой 1 газар орхиорой. Та эмлэг рүү шууд явсан ч хэн нэгэн нь таны бэлдсэн зүйлсийг аваад очно шдээ .

Tаахуу?! Шагналтай шүү

Хүүхэд эхийн хэвлий дотор ийм 14 зүйлээр хамгаалагдсан байдаг аа гэж...
Бүгдийг нь зөв бичсэн хүн шагналаа гардан авах болноо(юу байх нь одоогоор нууц)
Дүнг 9 сарын 12нд гаргая тэхүү?

"Чухал булчин"

Эхний зураг: таны Кегел булчин сул байвал төрөх үед хярзан урагдах, төрсний дараа эдгэрэхдээ удаан байдаг. Хэрвээ инээх юмуу найтаахад шээс дусагнадаг бол Кегелийн дасгалыг хийх цаг аль хэдийн болсны дохио. Учир нь ураг томрохын хирээр сав доошилж Кегел булчинд даралт өгнө. Мөн эхний зургаас харахад давсаг шахагдаж, цагаан мах гарсан байна.

1. Сав
2. Шулуун гэдэс
3. Кегел булчин
   

Дахиад л УС...

Ус таны бүхий л эрүүл мэндэд чухал. Хангалттай ус уугаагүй үед таны бие нэг уусан усаа олон дахин хэрэглэхээс өөр аргагүй болдог. Энэ нь таны биед элдэв хорт бодис тунан үлдэж, бүх төрлийн өвчин эмгэг үүсэх шалтгаан болно. Та өдөр бүр 2л ус уухыг хэцүү гэж бодож байгаа байх. Гэвч ус уух нь өвчин зовиураа эмчлүүлж байснаас хамаагүй хялбар биш үү! Хангалттай ус ууж байгаагаа хэрхэн мэдэх вэ? Ус танд сайхан амтагдаж эхлэн шээс чинь шаргал өнгөтэй бус, харин тунгалаг юмуу, маш цэвэр өнгөтэй болно.

Өдөрт 8-10 аяга ус уух нь үе мөч , нурууны өвчинд шаналагсдын 80%- ийнх нь өвчинийг маш сайн намдааж өгдгийг судалгаа харуулдаг! Хүний биеийн усны 2- хон хувь нь дутагдахад түр зуурын ой санамж бүдэгрэх, компьютерийн дэлгэц юмуу хэвлэмэл хуудас дээр хараагаа төвлөрүүлж чадахгүйд хүрдэг. Ус дутагдах нь өдрийн цагаар ядарч сульдахын нэг үндсэн шалтгаан болдог! Өдөрт 5 аяга ус уух нь шулуун гэдэсний хорт хавдрын эрсдлийг 45%-иар, хөхний хорт хавдрын эрсдлийг 79%-иар, давсагны хорт хавдарыг 50%-иар тус тус бууралдаг байна.
Өөрөөр хэлэх юм бол таны эсийг цэвэрлэдэг цорын ганц шингэн бол УС юм. Жимсний шүүс, кофе, кола, цай, сүү зэрэг нь таны эсийг угааж цэвэрлэж чадахгүй. Иймээс та яг одооноос эхлэн устай анд найзууд болохоор шийдээрэй.

Ultrasound(ЭХО) Хөөрхөн хүү байгаа биз..

Үндсэн ойлголтуудыг тайлбарлах нь

Кегел: аарцагны ёроолын тулгуур булчин бөгөөд энэ нь шээсний сүв, үтрээ, шулуун гэдсийг тойрон өнгөрсөн байдаг.
Шээсний сүв: давсагнаас шээсийг гадагшлуулагч сүв.
Үтрээ: 8см орчим урттай уян хатан ,сунах боломжтой хөндий эрхтэн.
Аарцаг: нугасны доод хэсэгт байрлах бөгөөд хүүхэд дамжин өнгөрдөг хөндий, тойрог хэлбэрийн яс.
Умай: тэлж сунах, чадвар бүхий хэд хэдэн булчингийн давхаргатай хөндий эрхтэн.
Өндгөвч: дотоод шүүрлийн булчирхайн шүүрэл ялгаруулдаг хос эрхтэн. Энэ шүүрлийн үр дүнд сарын тэмдэг ирэх, хөхөнд сүү орох гэх мэт өөрчлөлтүүд явагдана.

Үргэлжлэл....

Үргэлжлэл....

Уураг: аминхүчлүүдийг агуулсан нэн шаардлагатай органик бодисууд, хүний амьдралд хэрэгцээт үндсэн бодисууд.
Жирэмсэн эмэгтэй өдөртөө 80-100гр уураг хоол хүнснээсээ авч байх ёстой.
Ус: 1,5-2л ( 6-8 аяга) ус таны өдрийн хэрэгцээг хангана.
Жирэмсний хордлого: даралт ихсэх, хаван болон шээсээр уураг гарах зэрэг юм.
Цус багадах: цусанд байх цусны улаан эс хэвийн хэмжээнээс бага байх эмгэг.
Үр хөврөл: үр тогтсноос хойш 8 дахь долоо хоног хүртэлх хүүхэд.
Ураг: 9 дахь долоо хоногоос төрөх үе хүртэлх хүүхэд.
Fetoscope: эхийн хэвлийд буй хүүхдийн зүрхний цохилтыг чагнах чагнуур
Хүй: хүүхэд ихэс хоёрыг холбох ба эхээс хоол хүнсийг авч эргүүлээд хаягдал бодисыг гадагшлуулах үүрэгтэй.

Төрөхөд заавал өвдөх ёстой юу?

Төрөх үйл явцад урьд хожид мэдэрч байгаагүй маш олон мэдрэмжүүд төв мэдрэлийн системд очдог. Таны уураг тархи энэ болгоныг хэрхэн яаж зохицуулахаа мэдэхгүй учир урьд нь хийж заншсан хариу үйлдлийг үзүүлдэг. Үнэн хэрэгтээ умайн агшилт нь \булчингийн агшилт\ хүүхдийг төрүүлэх зорилготой учир яг өвдөлтийн мэдрэмжийг ээжид өгдөггүй. Жишээ нь та гараа маш чанга атган булчингаа чангал, тэгээд хэсэг хугацаанд үүнийгээ барьхад булчин ядарч, цуцаж эцэхийг л мэдэрнэ. Гэвч энэ танд өвдөлтийг мэдрүүлдэгүй. Умай агших нь яг үүнтэй адил юм.
Алив булчин эрүүл саруул, чийрэг үедээ хүчирхэг байдаг шиг та жирэмслэлтийнхээ хугацаанд шим тэжээлтэй хоол хүнс хэрэглэж хангалттай сайн ус ууж амарч байсан бол умайн агшилт маш үр дүнтэй явагдаж хүүхэд төрөх явц түргэснэ. Хэрэв тийм биш бол өвдөлтийг та ихээр мэдрэнэ. Түүнчлэн айж сандрах үед биеийн ихэнх цус гар хөл рүү хуримтлагдаж яг л аюулаас өөрийгөө хамгаалан аврахаар гүйхэд бэлэн болдог.
Харин та үүний эсрэгээр тайван, өөртөө итгэлтэй, амгалан байвал саванд хангалттай цус байх бөгөөд умайн агшилт хэвийн явагдан төрөлт түргэснэ.

Medical video(3D)